Barcelona jafnaði markamet Manchester United í kvöld

Pep Guardiola, þjálfari Barcelona, leyfði sér að hvíla lykilleikmenn í leiknum á móti BATE Borisov í Meistaradeildinni í kvöld en það kom ekki að sök því Barcelona vann 4-0 sigur.

Pedro Rodriguez fékk langþráð tækifæri í byrjunarliðinu og skoraði tvö mörk en hin mörkin skoruðu þeir Sergi Roberto og Martín Montoya. Hér fyrir neðan má sjá byrjunarlið Börsunga í kvöld en þar voru ekki margir þekktir leikmenn.

Barcelona skoraði því 20 mörk í 6 leikjum í riðlakeppninni og jafnaði þar með markamet Manchester United frá 1998-99. Barelona vann 5 leiki og gerði eitt jafntefli og markatala liðsins var 20-4.

Byrjunarlið Barcelona í kvöld:

Markvörður:

José Manuel Pinto

Vörnin:

Martín Montoya, Maxwell, Marc Bartra og Andreu Fontas,

Miðjan:

Thiago Alcántara, Jonathan dos Santos, Sergi Roberto og Rafinha,

Sóknin:

Isaac Cuenca og Pedro Rodriguez,