Andy Murray gæti þurft að draga sig úr keppni

Tenniskappinn, Andy Murray, komst í gær áfram í fjórðu umferð opna franska tennismótsins þegar hann bar sigur úr býtum gegn Þjóðverjanum, Michael Berrer, en sigurinn var honum dýr.

Murray meiddist illa á ökla í leiknum en sýndi samt magnaðan karakter og náði að klára leikinn og sigra leikinn í þremur settum.

Líkur eru á því að Murray þurfi að draga sig úr keppni, en hann hefur ekki gefið upp alla von, en Murrey mætir Viktor Troicki á morgun.

„Ég verð bara að bíða og sjá hvernig mér mun líða á morgun. Ég mun fara á æfingasvæðið og slá nokkra bolta í fyrramálið og sjá svo til,“ sagði Murray.