Hrafn: Besta vörn sem ég hef séð frá liðinu

„Við hrukkum heldur betur í gírinn í þriðja leikhlutanum," sagði Hrafn Krisjánsson, þjálfari KR, eftir sigurinn í kvöld.



„Við fórum að spila þann varnarleik sem við viljum sýna og þeir áttu fá svör. Mér fannst menn ekki mæta nægilega einbeittir til leiks en síðan í síðari hálfleik þá sýndum við okkar rétta andlit. Menn fóru að færa sig rétt í vörninni í þriðja leikhluta og þá small allt saman".

„Okkur leið nákvæmlega svona eftir fyrsta leikinn en þá fórum við í Ásgarðinn og töpuðum. Menn verða að vera einbeittir og mæta rétt innstilltir í næsta leik, okkur langar meira í þennan titil," sagði Hrafn.