Eduardo þakklátur fyrir hlýjar móttökur

Framherjinn Eduardo fékk afar hlýjar móttökur frá stuðningsmönnum Arsenal í gær er hann mætti á Emirates með Shaktar Donetsk.

Svo hlýjar voru móttökurnar að Eduardo sagði að sér hefði liðið eins og hann væri enn að spila með Arsenal.

"Það var ótrúlegt að koma aftur hingað. Það kölluðu allir nafnið mitt og þetta hefði ekki getað verið betra," sagði Eduardo eftir leikinn.

Hann skoraði eina mark Shaktar í leiknum en fagnaði ekki líkt og hann var búinn að lofa.

"Ég átti frábæran tíma hér og taldi mig þurfa að bera virðingu fyrir fólkinu hérna. Þess vegna fagnaði ég ekki."