Jose Mourinho: Við getum unnið þessa keppni

„Þetta lið getur unnið Meistaradeildina," sagði Jose Mourinho, þjálfari Inter, eftir að Ítalíumeistararnir unnu fyrirhafnarlítinn sigur á CSKA í Moskvu í kvöld.

Með sigrinum komst Inter í undanúrslit Meistaradeildarinnar í fyrsta sinn í fjögur ár. „Við höfum unnið fimm leiki í röð og eigum skilið að komast áfram. Þetta lið er fullt sjálfstrausts og getur farið alla leið," sagði Mourinho.

„Liðið hefur þróast, sýnt öryggi og öflugan varnarleik. Við eigum tvo drauma, komast í úrslitin og vinna sigur þar. Það er möguleiki á að þessir draumar rætist."