Íbúar Djúpavogs þurfa að sjóða neysluvatn

Heilbrigðiseftirlit Austurlands fer þess á leit við bæjarbúa Djúpavogs að þeir sjóði neysluvant. Skriða féll úr Búlandsdal í nótt með þeim afleiðingum að vatnsveita Djúpavogs er óvirk og vatn ekki neysluhæft.

Á vef Djúpavogs segir að það litla vatn sem sé í lögnum og neysluvatnstanki sé ekki drykkjarhæft.

Eftir óvenju langan þurkakafla brast á úrhellis rigning með hvassviðri á í gær, og fram á nótt, og mikill vatanvöxtur hljóp í ár og læki. Unnið er eftir viðbragðsáætlun Vatnsveitu Djúpavogs.