„Þetta er ganga með sérhannaða stafi og við náum umtalsverðri brennslu með stafgöngunni," sagði Guðný Aradóttir leiðbeinandi hjá Stafganga.is þegar við ræddum við hana í Laugardalnum í gær.
„Við náum 20 % meiri brennslu heldur en í venjulegri göngu. Vegna þess að þú ert að nota efri hluta líkamans mikið meir með því að beita stöfunum."
Smelltu á hnappinn Horfa á myndskeið með frétt ef þú vilt sjá Guðný sýna hvernig stafirnir eru notaðir.
„Þetta er einhver besta alhliða hreyfing sem þú gerir," sagði hún þegar við ræddum skriðsund.
„Mataræðið skiptir 50% máli í að standa sig vel. Andlega hliðin er náttúrulega mjög mikilvæg..." sagði Annie Mist Þórisdóttir Crossfit meistari meðal annars eftir að hún tók nokkrar armbeygjur fyrir okkur.
„Það þýðir ekkert að vera í einhverju dúlleríi," segir Anna Eiríksdóttir íþróttakennari og deildastjóri kennara og einkaþjálfara í Hreyfingu en hún stjórnar námskeiðunum Fantagott form sem allir eru að tala um. „Það geta allir verið með. Það er það góða við þetta. Það er svo gaman að fylgjast með hvað fólk er að ná frábærum árangri á skömmum tíma."
