Mourinho: Áttum að vinna stærra

Jose Mourinho, þjálfari Inter, sagði að sitt lið hefði átt skilið að vinna leikinn gegn CSKA Moskva í Meistaradeildinni stærra en 1-0.

Inter á erfitt verkefni fyrir höndum í Moskvu eftir viku þar sem liðið skoraði aðeins eitt mark í kvöld. CSKA náði þó ekki útivallarmarki í leiknum.

„Það er erfitt að skora gegn þessu liði og þegar ég sagði að þetta yrði ljótur leikur þá vissi ég vel hvað ég var að tala um," sagði Portúgalinn af sinni einstöku list.

„CSKA var mjög þétt aftast og lokaði öllum svæðum. Það var mjög erfitt að skora í kvöld. Leikurinn opnaðist aðeins í seinni hálfleik og við sköpuðum okkur mörg færi. 3-0 sigur okkar hefði verið það minnsta sem við áttum skilið á endanum.

„Engu að síður náðum við sigri og með marki á útivelli erum við svo gott sem komnir áfram," sagði Mourinho.