Rafael van der Vaart: Mjög skrýtinn leikur fyrir mig

Rafael van der Vaart, Hollendingurinn snjalli hjá Tottenham, fékk að upplifa allan tilfinningaskalann í leik Tottenham og Twewnte á White Hart Lane í kvöld. Tottenham vann leikinn 4-1 þrátt fyrir að Hollendingurin hafi verið rekinn útaf á 61. mínútu.

Rafael van der Vaart kórónaði með því ótrútlegan leik því hann hafði áður látið verja frá sér vítaspyrnu í lok fyrri hálfleiks og skoraði síðan frábært mark í upphafi þessi síðari.

„Ég var hræddur um að við myndum ekki vinna leikinn eftir að ég fékk rauða spjaldið en strákirnir í liðinu spiluðu frábærlega," sagði Rafael van der Vaart eftir leikinn.

„Þetta var mjög skrýtinn leikur fyrir mig og að upplifa þetta allt í sama leiknum. Ég hef aldrei spilað svona leik áður," sagði Rafael van der Vaart.