Fjórða sigurkarfa Kobe Bryant á árinu 2010 - myndband

Kobe Bryant tryggði Los Angeles Lakers enn einn sigurinn í nótt þegar hann skoraði sigurkörfuna í 109-107 sigri á Toronto Raptors. Þetta var sjötta sigurkarfa Kobe á tímabilinu þar af sú fjórða á árinu 2010.

Kobe Bryant hefur hitt úr hverju ótrúlega skotinu á fætur öðru á þessu tímabili er fyrir löngu búinn að sanna sig sem einn besta leikmann NBA-sögunnar þegar kemur að komast í og klára gott skot á lokasekúndum leikjanna.

Kobe Bryant hefur alls skorað 25 sigurkörfur á ferli sínum í NBA-deildinni þar af þrjár þeirra í úrslitakeppninni. Þetta þýðir að 6 af 25 sigurkörfum hafa komið á þessu tímabili sem gerir 24 prósent úrslitakarfa hans.

Það má sjá hér myndbönd með öllum þessum sigurkörfum Kobe sem eru síðan taldar upp hér fyrir neðan.

Sigurkörfur Kobe Bryant á þessu tímabili:

4.12.2009

Los Angeles Lakers-Miami Heat 108-107

- Skoraði þriggja stiga körfu yfir Dwyane Wade um leið og klukkan rann út.



16.12.2009

Milwaukee Bucks-Los Angeles Lakers 106-107

- skoraði tveggja stiga körfu um leið og tíminn rann út eftir að hafa skorað öll sjö stig Lakers-liðsins síðustu 1:18 í leiknum.

1.1.2010

Los Angeles Lakers-Sacramento Kings 109-108

- skoraði með þriggja stiga körfu um leið og tíminn rann út

31.1.2010

Boston Celtics-Los Angeles Lakers 89-90

- skoraði sigurkörfuna þegar 7,3 sekúndur voru eftir af leiknum

23.2.2010

Memphis Grizzlies-Los Angeles Lakers 98-99

- skoraði þriggja stiga körfu þegar 4,3 sekúndur voru eftir af leiknum.

9.3.2010

Los Angeles Lakers-Toronto Raptors 109-107

- skoraði sigurkörfuna þegar 1,9 sekúnda var eftir af leiknum