Zlatan var hjá Arsenal fyrir tíu árum

Zlatan Ibrahimovic, sóknarmaður Barcelona, var til reynslu hjá Arsenal átján ára gamall. Zlatan er í dag tíu árum eldri.

Hann verður í eldlínunni í kvöld þegar Börsungar mæta Arsenal í Meistaradeildinni.

Eftir að hafa æft með Arsenal vildi enska félagið skoða hann betur og fá hann til spila æfingaleik til að ákveða hvort hann fengi samning. Zlatan var ekki sáttur við að fá ekki samning beint í hendurnar og hélt heim í fússi án þess að spila leikinn.

Zlatan er þriðji dýrasti leikmaður fótboltasögunnar. Leikur Arsenal og Barcelona hefst 18:45 og verður sýndur beint á Stöð 2 Sport.