NBA-deildin: Cleveland með tuttugu stiga sigur gegn Boston

Þrír leikir fóru fram í NBA-deildinni í körfubolta í nótt þar sem hæst bar 88-108 stórsigur Cleveland gegn Boston þar sem LeBron James fór á kostum.

James skoraði 36 stig og átti 9 stoðsendingar fyrir Cleveland sem styrkti stöðu sína á toppi Austurdeildarinnar en Ray Allen var stigahæstur hjá Boston með 32 stig.

Denver styrkti stöðu sína í toppbaráttu Vesturdeildarinnar með 112-127 sigri gegn Golden State en Chauncey Billups átti stórleik fyrir Denver og skoraði 37 stig og átti 9 stoðsendingar.

Þá vann Milwaukee góðan 110-112 sigur gegn Indiana en þetta var fimmti sigurleikur Milwaukee í röð.



Úrslitin í nótt:

Boston-Cleveland 88-108

Golden State-Denver 112-127

Indiana-Milwaukee 110-112