Mourinho: Ég fagnaði inn í mér

Það vakti athygli að Jose Mourinho, þjálfari Inter, skyldi ekki fagna mörkum sinna manna gegn Chelsea í kvöld.

„Ég var glaður inn í mér. Ég fagnaði inn í mér," sagði Mourinho sem var merkilega lítillátur og hógvær eftir leikinn.

„Ég sagði þegar drátturinn var búinn að ég væri fagmaður og að ég vildi vinna sem slíkur. Ég vil vinna jafn mikið og allir aðrir. Þessi leikur snérist ekki um taktík. Þetta var bara alvöru Meistaradeildarleikur á milli tveggja alvöru liða," sagði Portúgalinn.

„Chelsea kom mér ekkert á óvart í kvöld. Bæði lið voru að leika á sínum styrkleikum. Chelsea getur spilað betur og Inter getur spilað betur. Þannig er raunveruleikinn í Meistaradeildinni. Hver mistök geta verið dýr í þessari keppni. Á endanum mun annað hvort liðið falla úr leik."