Burt með Ísraelsher! Neyðaraðstoð til Gaza Sveinn Rúnar Hauksson skrifar 24. janúar 2009 06:00 Sveinn Rúnar Hauksson skrifar um Gaza Eins og við hafði verið búist þá linnti árásum Ísraelshers á Gaza um síðustu helgi, að minnsta kosti í bili? Það þurfti að sópa gólf áður en nýr Bandaríkjaforseti tæki við. Enda þótt dauðinn og eyðileggingin af völdum Ísraelshers sé ægileg en hún blasir við sjónum hvarvetna á Gazasvæðinu, þá er önnur eyðilegging sú sem Ísraelsstjórn hefur valdið sjálfri sér og Ísraelsríki um langa framtíð. Hann verður seint máður af morðingjabletturinn sem nú stingur í augun meira en nokkru sinni fyrr í sex áratuga blóðugri hernámssögu Ísraelsríkis gagnvart nágrönnum sínum. Það er tímanna tákn að Ísraelsstjórn fékk að vita hjá Össuri Skarphéðinssyni, starfandi utanríkisráðherra, að menntamálaráðherra Ísraels væri ekki velkominn til Íslands. Ísraelsstjórn hafði ákveðið einhliða að senda ráðherra sína vítt og breitt um Evrópu til að freista þess að þvo blóðblettina af ímynd sinni, en skilaboð eins og þau sem hún fékk í íslenska utanríkisráðuneytinu og í mótmælum milljóna manna um allan heim hafa einna helst hjálpað henni til að átta sig á því að nú yrði ekki sprengt og drepið meira, að minnsti kosti ekki í bili. Ísraelsstjórn lýsti yfir einhliða vopnahléi. Enginn samningur er um vopnahléð og ekki tryggt að Ísraelsher hverfi frá svæðinu né að fangelsishlið Gazastrandar verði opnuð. Af því leiðir áframhaldandi skort á vatni, eldsneyti, rafmagni og öllum lífsnauðsynjum. Það hindrar að hægt verði að endurreisa atvinnulíf á svæðinu. Íbúarnir mega áfram lifa á bónbjörgum, bíða eftir matarpökkum hjálparstofnana eins og 80% íbúanna gera og líða skort á flestum sviðum. Eyðileggingin á Gaza af völdum loftárása Ísraelshers og stórskotaárasa af sjó og landi er sögð ólýsanleg og kemur æ betur í ljós. Fréttamyndir sjónvarps og blaða gefa okkur nokkra mynd af þeim þúsundum íbúðabygginga sem hafa verið eyðilagðar og margar jafnaðar við jörðu. Þar koma líka jarðýtur hersins við sögu. Það eru fyrirtækin Caterpillar og Hyundai sem sjá Ísraelsher fyrir sérútbúnum vinnuvélum til að mölva hús og híbýli fólks og einnig til að eyðileggja aldingarða þar sem Gazabúar hafa um aldir og árþúsundir framleitt bestu sítrusávexti í heimi, ræktað ávaxtatré af öllum gerðum og framfleytt sér og sínum. Nærri hundrað þúsund manns hafa misst heimili sín og 50 þúsund manns voru að sögn í skýlum á vegum UNRWA, flóttamannastofnunar Sameinuðu þjóðanna og lausn á þeirra húsnæðisvanda ekki í augsýn. Bandaríkjastjórn ber ábyrgðHundruð fullkomnustu orrustuflugvéla, árásarþyrlna, herbíla, sprengna og eldflauga koma frá Bandaríkjunum á lánum, sem hingað til hefur ekki tíðkast að greiða. Hvíti fosfórinn sem Ísraelsher hefur verið að varpa á íbúana á Gaza, brennir fólk, konur og börn, upp til agna, rétt eins og napalm. Fosfórsprengjurnar koma frá efnavopnaverksmiðju í Pine Bluff í Arkansas, ríki Clintons Bandaríkjaforseta. Þar hefur Bandaríkjaher framleitt efnavopn allt frá lokum síðustu heimsstyrjaldar. Bandaríkjastjórn ber ábyrgð á stríðsrekstri Ísraelsstjórnar. Hún tryggir Ísraelsríki fjármagn og vopnabúnað til að herja á nágranna sína og ver gerðir Ísraelsríkis í einu og öllu. Í raun virðist Ísraelsstjórn ráða atkvæði Bandaríkjanna í Öryggisráðinu í málum sem snerta Ísrael og hefur þar með neitunarvald sem hindrar alþjóðasamfélagið í að grípa inn í og stöðva stríðsglæpina. Það voru 1.315 íbúar á Gazasvæðinu sem létu lífið í 22 daga árás Ísraelshers og þar af var um þriðjungur, eða 410, börn sem herinn hefur myrt í þessu grimmdaræði gegn varnarlausu fólki. Um 5.500 manns hafa særst og margir mjög alvarlega. Sjúkrahúsin eiga mjög erfitt með að sinna hlutverki sínu vegna skorts á öllum sviðum og vegna þess hve fjöldi særðra er mikill. Þá hefur herinn ráðist á sjúkrahúsin, sextán sjúkrastofnanir hafa verið skemmdar og fjöldi sjúkraflutningamanna verið drepnir, einnig læknar og annað heilbrigðisstarfsfólk. Burt með ÍsraelsherÞað eru því miður ekki efni til mikillar bjartsýni í friðarmálum. Það eina sem stendur samt upp úr er hin ótrúlega seigla Palestínumanna og raunsannur friðarvilji þessarar þjóðar, sem þrátt fyrir innri átök stendur sameinuð, þvert á alla flokka, um að ganga til friðarsamninga við þennan árásargjarna nágranna sinn, og stofna sjálfstætt, fullvalda ríki á Gaza og Vesturbakkanum með Austur-Jerúsalem sem höfuðborg. Þetta er grundvöllur sem jafnt Fatah, Hamas og aðrar stjórnmálahreyfingar standa á, og hann er í samræmi við ályktanir Öryggisráðs SÞ og alþjóðalög. Og þá verður aðskilnaðarmúrinn að hverfa í samræmi við úrskurð Alþjóðadómstólsins í Haag og landtökubyggðir gyðinga að fara undir palestínska stjórn og landráninu og hernáminu að linna. En fyrst af öllu verður Ísraelsher að hætta árásum á palestínsku þjóðina og verða á burt af öllu palestínsku landi. Stöðva verður fjöldamorð og stríðsglæpi. Félagið Ísland-Palestína hefur hafið neyðarsöfnun til kaupa á lyfjum og lækningatækjum fyrir sjúkrahús á Gaza og fer allt söfnunarfé óskert héðan til traustra ísraelskra mannréttindasamtaka lækna (PHR-I) sem koma aðstoðinni áleiðis. Stórefla þarf neyðaraðstoð til Gazasvæðisins. Reikningsnúmerið er 542-26-6990, kt. 520188-1349. Höfundur er læknir og formaður Félagsins Ísland-Palestína. Viltu birta grein á Vísi? Sendu okkur póst. Senda grein Sveinn Rúnar Hauksson Mest lesið Þegar þeir sem segjast þjóna þjóðinni ráðast á hana Ágústa Árnadóttir Skoðun 1 stk. ísl. ríkisborgararéttur - kr. 1,600 Róbert Björnsson Skoðun Faglegt mat eða lukka? I: Frá kennslustofu til stafbókar Bogi Ragnarsson Skoðun „Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir Skoðun Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir Skoðun Hvers vegna ekki bókun 35? Hjörtur J. Guðmundsson Skoðun Þéttur eða þríklofinn Sjálfstæðisflokkur Sara Björg Sigurðardóttir Skoðun Getur uppbyggilegur fréttaflutningur aukið velsæld í íslensku samfélagi? Ása Fríða Kjartansdóttir, Dóra Guðrún Guðmundsdóttir Skoðun Eru borgir barnvænar? Þétting byggðar og staða barna í skipulagi Lára Ingimundardóttir Skoðun Hvað kosta mannréttindi? Anna Lára Steindal Skoðun Skoðun Skoðun Lénsherratímabilið er hafið Einar G Harðarson skrifar Skoðun Þéttur eða þríklofinn Sjálfstæðisflokkur Sara Björg Sigurðardóttir skrifar Skoðun Bras og brall við gerð Brákarborgar Helgi Áss Grétarsson skrifar Skoðun Getur uppbyggilegur fréttaflutningur aukið velsæld í íslensku samfélagi? Ása Fríða Kjartansdóttir, Dóra Guðrún Guðmundsdóttir skrifar Skoðun „Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir skrifar Skoðun Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir skrifar Skoðun Auðlindarentan heim í hérað Arna Lára Jónsdóttir skrifar Skoðun Héraðsvötn og Kjalölduveitu í nýtingarflokk Jens Garðar Helgason,Ólafur Adolfsson skrifar Skoðun Eru borgir barnvænar? Þétting byggðar og staða barna í skipulagi Lára Ingimundardóttir skrifar Skoðun Hvað kosta mannréttindi? Anna Lára Steindal skrifar Skoðun Faglegt mat eða lukka? I: Frá kennslustofu til stafbókar Bogi Ragnarsson skrifar Skoðun Hvers vegna ekki bókun 35? Hjörtur J. Guðmundsson skrifar Skoðun 1 stk. ísl. ríkisborgararéttur - kr. 1,600 Róbert Björnsson skrifar Skoðun Ný nálgun fyrir börn með fjölþættan vanda Guðmundur Ingi Þóroddsson,Guðbjörg Sveinsdóttir skrifar Skoðun Setjum kraft í íslenskukennslu fullorðinna Anna Linda Sigurðardóttir skrifar Skoðun Áhrif veiðigjalda ná út fyrir atvinnugreinina Ásgerður Kristín Gylfadóttir skrifar Skoðun Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson skrifar Skoðun RÚV - ljósritunarstofa ríkisins? Birgir Finnsson skrifar Skoðun Að vera hvítur og kristinn Guðbrandur Einarsson skrifar Skoðun Heilbrigðisþjónusta í heimabyggð – loksins orðin að veruleika Anton Guðmundsson skrifar Skoðun Komum heil heim eftir hvítasunnuhelgina Ágúst Mogensen skrifar Skoðun Leiðin til Parísar (bókstaflega) Ólafur St. Arnarsson skrifar Skoðun Ósnertanlegir eineltisseggir og óhæfir starfsmenn Diljá Mist Einarsdóttir skrifar Skoðun Opinber skýring til Sigurjóns Þórðarsonar Heiðrún Lind Marteinsdóttir skrifar Skoðun Ekkert kerfi lifir af pólitískan geðþótta Guðrún Hafsteinsdóttir skrifar Skoðun Þegar undirskrift skiptir máli – um gervigreind, vottun og verðmæti mannlegra athafna Henning Arnór Úlfarsson skrifar Skoðun Hoppað yfir girðingarnar Vilhjálmur Árnason skrifar Skoðun Þegar ég fékk séns Heiða Ingimarsdóttir skrifar Skoðun Verður greinilega að vera Ísrael Hjörtur J. Guðmundsson skrifar Skoðun Evrópumet! Háskólamenntun minnst metin á Íslandi Vilhjálmur Hilmarsson skrifar Sjá meira
Sveinn Rúnar Hauksson skrifar um Gaza Eins og við hafði verið búist þá linnti árásum Ísraelshers á Gaza um síðustu helgi, að minnsta kosti í bili? Það þurfti að sópa gólf áður en nýr Bandaríkjaforseti tæki við. Enda þótt dauðinn og eyðileggingin af völdum Ísraelshers sé ægileg en hún blasir við sjónum hvarvetna á Gazasvæðinu, þá er önnur eyðilegging sú sem Ísraelsstjórn hefur valdið sjálfri sér og Ísraelsríki um langa framtíð. Hann verður seint máður af morðingjabletturinn sem nú stingur í augun meira en nokkru sinni fyrr í sex áratuga blóðugri hernámssögu Ísraelsríkis gagnvart nágrönnum sínum. Það er tímanna tákn að Ísraelsstjórn fékk að vita hjá Össuri Skarphéðinssyni, starfandi utanríkisráðherra, að menntamálaráðherra Ísraels væri ekki velkominn til Íslands. Ísraelsstjórn hafði ákveðið einhliða að senda ráðherra sína vítt og breitt um Evrópu til að freista þess að þvo blóðblettina af ímynd sinni, en skilaboð eins og þau sem hún fékk í íslenska utanríkisráðuneytinu og í mótmælum milljóna manna um allan heim hafa einna helst hjálpað henni til að átta sig á því að nú yrði ekki sprengt og drepið meira, að minnsti kosti ekki í bili. Ísraelsstjórn lýsti yfir einhliða vopnahléi. Enginn samningur er um vopnahléð og ekki tryggt að Ísraelsher hverfi frá svæðinu né að fangelsishlið Gazastrandar verði opnuð. Af því leiðir áframhaldandi skort á vatni, eldsneyti, rafmagni og öllum lífsnauðsynjum. Það hindrar að hægt verði að endurreisa atvinnulíf á svæðinu. Íbúarnir mega áfram lifa á bónbjörgum, bíða eftir matarpökkum hjálparstofnana eins og 80% íbúanna gera og líða skort á flestum sviðum. Eyðileggingin á Gaza af völdum loftárása Ísraelshers og stórskotaárasa af sjó og landi er sögð ólýsanleg og kemur æ betur í ljós. Fréttamyndir sjónvarps og blaða gefa okkur nokkra mynd af þeim þúsundum íbúðabygginga sem hafa verið eyðilagðar og margar jafnaðar við jörðu. Þar koma líka jarðýtur hersins við sögu. Það eru fyrirtækin Caterpillar og Hyundai sem sjá Ísraelsher fyrir sérútbúnum vinnuvélum til að mölva hús og híbýli fólks og einnig til að eyðileggja aldingarða þar sem Gazabúar hafa um aldir og árþúsundir framleitt bestu sítrusávexti í heimi, ræktað ávaxtatré af öllum gerðum og framfleytt sér og sínum. Nærri hundrað þúsund manns hafa misst heimili sín og 50 þúsund manns voru að sögn í skýlum á vegum UNRWA, flóttamannastofnunar Sameinuðu þjóðanna og lausn á þeirra húsnæðisvanda ekki í augsýn. Bandaríkjastjórn ber ábyrgðHundruð fullkomnustu orrustuflugvéla, árásarþyrlna, herbíla, sprengna og eldflauga koma frá Bandaríkjunum á lánum, sem hingað til hefur ekki tíðkast að greiða. Hvíti fosfórinn sem Ísraelsher hefur verið að varpa á íbúana á Gaza, brennir fólk, konur og börn, upp til agna, rétt eins og napalm. Fosfórsprengjurnar koma frá efnavopnaverksmiðju í Pine Bluff í Arkansas, ríki Clintons Bandaríkjaforseta. Þar hefur Bandaríkjaher framleitt efnavopn allt frá lokum síðustu heimsstyrjaldar. Bandaríkjastjórn ber ábyrgð á stríðsrekstri Ísraelsstjórnar. Hún tryggir Ísraelsríki fjármagn og vopnabúnað til að herja á nágranna sína og ver gerðir Ísraelsríkis í einu og öllu. Í raun virðist Ísraelsstjórn ráða atkvæði Bandaríkjanna í Öryggisráðinu í málum sem snerta Ísrael og hefur þar með neitunarvald sem hindrar alþjóðasamfélagið í að grípa inn í og stöðva stríðsglæpina. Það voru 1.315 íbúar á Gazasvæðinu sem létu lífið í 22 daga árás Ísraelshers og þar af var um þriðjungur, eða 410, börn sem herinn hefur myrt í þessu grimmdaræði gegn varnarlausu fólki. Um 5.500 manns hafa særst og margir mjög alvarlega. Sjúkrahúsin eiga mjög erfitt með að sinna hlutverki sínu vegna skorts á öllum sviðum og vegna þess hve fjöldi særðra er mikill. Þá hefur herinn ráðist á sjúkrahúsin, sextán sjúkrastofnanir hafa verið skemmdar og fjöldi sjúkraflutningamanna verið drepnir, einnig læknar og annað heilbrigðisstarfsfólk. Burt með ÍsraelsherÞað eru því miður ekki efni til mikillar bjartsýni í friðarmálum. Það eina sem stendur samt upp úr er hin ótrúlega seigla Palestínumanna og raunsannur friðarvilji þessarar þjóðar, sem þrátt fyrir innri átök stendur sameinuð, þvert á alla flokka, um að ganga til friðarsamninga við þennan árásargjarna nágranna sinn, og stofna sjálfstætt, fullvalda ríki á Gaza og Vesturbakkanum með Austur-Jerúsalem sem höfuðborg. Þetta er grundvöllur sem jafnt Fatah, Hamas og aðrar stjórnmálahreyfingar standa á, og hann er í samræmi við ályktanir Öryggisráðs SÞ og alþjóðalög. Og þá verður aðskilnaðarmúrinn að hverfa í samræmi við úrskurð Alþjóðadómstólsins í Haag og landtökubyggðir gyðinga að fara undir palestínska stjórn og landráninu og hernáminu að linna. En fyrst af öllu verður Ísraelsher að hætta árásum á palestínsku þjóðina og verða á burt af öllu palestínsku landi. Stöðva verður fjöldamorð og stríðsglæpi. Félagið Ísland-Palestína hefur hafið neyðarsöfnun til kaupa á lyfjum og lækningatækjum fyrir sjúkrahús á Gaza og fer allt söfnunarfé óskert héðan til traustra ísraelskra mannréttindasamtaka lækna (PHR-I) sem koma aðstoðinni áleiðis. Stórefla þarf neyðaraðstoð til Gazasvæðisins. Reikningsnúmerið er 542-26-6990, kt. 520188-1349. Höfundur er læknir og formaður Félagsins Ísland-Palestína.
„Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir Skoðun
Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir Skoðun
Getur uppbyggilegur fréttaflutningur aukið velsæld í íslensku samfélagi? Ása Fríða Kjartansdóttir, Dóra Guðrún Guðmundsdóttir Skoðun
Skoðun Getur uppbyggilegur fréttaflutningur aukið velsæld í íslensku samfélagi? Ása Fríða Kjartansdóttir, Dóra Guðrún Guðmundsdóttir skrifar
Skoðun „Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir skrifar
Skoðun Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir skrifar
Skoðun Eru borgir barnvænar? Þétting byggðar og staða barna í skipulagi Lára Ingimundardóttir skrifar
Skoðun Ný nálgun fyrir börn með fjölþættan vanda Guðmundur Ingi Þóroddsson,Guðbjörg Sveinsdóttir skrifar
Skoðun Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson skrifar
Skoðun Þegar undirskrift skiptir máli – um gervigreind, vottun og verðmæti mannlegra athafna Henning Arnór Úlfarsson skrifar
„Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir Skoðun
Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir Skoðun
Getur uppbyggilegur fréttaflutningur aukið velsæld í íslensku samfélagi? Ása Fríða Kjartansdóttir, Dóra Guðrún Guðmundsdóttir Skoðun