Kaká: Stuðningsmenn Milan verða góðir við mig

Brasilíumaðurinn Kaká kemur á sinn gamla heimavöll, San Siro, á morgun. Hann var dáður af stuðningsmönnum félagsins og sagði nánast allt þar til hann fór til Madrid að hann vildi ekki yfirgefa AC Milan.

Brasilíumaðurinn bíður spenntur eftir því að labba aftur út á San Siro og býst ekki við öðru en hlýjum móttökum frá stuðningsmönnum Milan.

„Eftir allt það sem ég gerði fyrir félagið þá býst ég við góðum móttökum," sagði Kaká sem lék með félaginu í sex ár.

„Þetta verður skemmtileg reynsla. Við búumst við gríðarlega erfiðum leik."