Rúmenskur handknattleiksmaður myrtur

Rúmenskur landsliðsmaður í handbolta, Marian Cozma, lést í morgun þegar hann var stunginn með hnífi á næturklúbbi í Búdapest.

Hinn 210 sentimetra hái Cozma, sem fór mikinn í leik Vals og Vezprem í meistaradeildinni í nóvember 2007, var að dansa við unnustu sína á næturklúbbnum þegar á hann var ráðist.

Tveir liðsfélagar hans særðust alvarlega þegar þeir reyndu að koma félaga sínum til hjálpar.

Króatíski markvörðurinn Igor Pesic og Serbinn Zarko Sesum meiddust alvarlega og fjarlægja varð annað nýrað úr Pesic.