Lionel Messi: Þetta er bara rétt að byrja hjá mér og Zlatan

Lionel Messi segir að samvinna hans og Zlatan Ibrahimovic eigi aðeins eftir að verða betri. Barcelona hefur unnið fimm fyrstu leiki sína í spænsku deildinni og þeir félagar hafa skorað tíu mörk saman í þeim, Zlatan 5 og Messi 5.

„Zlatan og ég vitum vel að við erum rétt að byrja samstarfið. Tímabilið er nýbyrjað og við erum enn að læra á hvorn annan. Við höfum það samt á tilfinningunni að skilningurinn sé að aukast með hverjum leik og ég vonast til að það haldi áfram," sagði Messi.

„Það er mikill heiður að fá að spila með öllum þessum frábæru leikmönnum hjá Barcelona en við erum ekki bara góðir inn á vellinum því liðsandinn síðasta árið hefur verið magnaður. Við skemmtum okkur konunglega saman og það sést á leik okkar sem og úrslitum í leikjunum," sagði Messi.

Tölfræði Lionel Messi í fyrstu 5 deildarleikjunum:

Leikir: 4

Mínútur: 276

Mörk: 5 (Vinstri: 3, Hægri: 1: Skalli: 1)

Skot: 11 (45 prósent nýting)

Stoðsendingar: 3

Þáttur í mörkum: 8

Mínútur milli skoraðra marka: 55,2

Mínútur milli skapaðra marka: 34,5

Tölfræði Zlatan Ibrahimovic í fyrstu 5 deildarleikjunum:

Leikir: 5

Mínútur: 378

Mörk: 5 (Vinstri: 0, Hægri: 3: Skalli: 2)

Skot: 18 (28 prósent nýting)

Stoðsendingar: 2

Þáttur í mörkum: 7

Mínútur milli skoraðra marka: 75,6

Mínútur milli skapaðra marka: 54,0