NBA-deildin: Fyrsta tap Lakers - fyrsti sigur Cavs

Þrettán leikir fóru fram í NBA-deildinni í nótt þar sem hæst bar tap LA Lakers gegn Dallas Mavericks auk þess sem Cleveland Cavaliers vann sinn fyrsta leik á tímabilinu þegar það mætti Minnesota Timberwolves.

Þá hélt Boston Celtics áfram á sigurbraut og jarðaði Chicago Bulls.

Dirk Nowitzki var stigahæstur hjá Mavs í 80-94 sigri liðsins gegn Lakers með 21 stig en Kobe Bryant var atkvæðamestur hjá Lakers með 20 stig.

LeBron James var að vanda stigahæstur hjá Cavaliers í 104-87 sigri liðsins gegn Timberwolves en hann setti niður 24 stig. Þetta var fyrsti sigur Cavs í þremur leikjum til þessa á tímabilinu.

Celtics er hins vegar enn með fullt hús stiga eftir 118-90 sigur gegn Bulls í nótt þar sem Paul Pierce og Eddie House skoruðu 22 stig hvor og Ray Allen skoraði 20 stig.

Úrslitin í nótt:

Philadelphia-Milwaukee 99-86

Charlotte-New York 102-100

Atlanta-Washington 100-89

Indiana-Miami 83-96

Minnesota-Cleveland 87-104

Boston-Chicago 118-90

New Orleans-Sacramento 97-92

Memphis-Toronto 115-107

Detroit-Oklahoma City 83-91

New Jersey-Orlando 85-95

Utah-LA Clippers 111-98

Phoenix-Golden State 123-101

LA Lakers-Dallas 80-94