NBA í nótt: Tíundi sigur Celtic í röð

Boston vann í nótt sinn tíunda sigur í röð í NBA-deildinni í körfubolta og er það í annað skiptið á tímabilinu sem það gerist.

Boston vann Detroit, 86-78, þar sem Kevin Garnett skoraði 22 stig, Paul Pierce 20 og Ray Allen fjórtán.

Boston vann þó alls nítján leiki í röð fyrr á tímabilinu sem er met hjá félaginu. Síðast náði félagið að vinna tíu leik í röð tvisvar á sama tímabilinu veturinn 1985-6 og varð liðið meistari um vorið.

Allen Iverson skoraði nítján stig í leiknum og tók þar með fram úr Charles Barkley sem var í sextánda sæti yfir stigahæstu leikmenn deildarinnar frá upphafi.

Rodney Stuckey var með nítján stig og Richard Hamilton fjórtán fyrir Detroit sem hefur tapað þremur heimaleikjum í röð.

Cleveland vann LA Clippers, 112-95, þar sem Zydrunas Ilgauskas lék með Cleveland á nýjan leik eftir mánaðarfjarveru vegna meiðsla. Hann skoraði 20 stig og tók ellefu fr´köast í leiknum. LeBron James var með 25 stig en þetta var 22. sigur liðsins á heimavelli í jafn mörgum leikjum á tímabilinu.

Um var að ræða metjöfnun hjá félaginu en síðast vann Cleveland 22 heimaleiki í röð tímabilið 1988-9.

LA Lakers vann Minnesota, 132-119. Andrew Bynum skoraði 27 stig og fimmtán fráköst fyrir Lakers en Kobe Bryant var stigahæstur með 30 stig.

Philadelphia vann Washington 104-94. Willie Green skoraði 20 stig fyrir Philadelphia, rétt eins og Andre Iguodala.

Milwaukee vann Toronto, 96-85. Charlie Villanueva var með 26 stig og þrettán fráköst og Richard Jefferson sautján. Þetta var fyrsti sigur Milwaukee síðan Michael Redd meiddist illa en hann verður frá til loka tímabilsins.

Indiana vann Miami, 114-103. Mike Dunleavy skoraði 30 stig í sjöunda heimasigri Indiana í röð.

Atlanta vann New Jersey, 105-88. Joe Johnson skoraði 29 stig fyrir Atlnata og Mike Bibby 20 en þetta var fyrsti sigur Atlanta á New Jersey í fjórum leikjum liðanna á tímabilinu.

Denver vann Charlotte, 110-99. Carmelo Anthony skoraði nítján stig fyrir Denver en hann er nú nýbúinn að jafna sig á meiðslum.

Utah vann Oklahoma City, 110-90. Deron Williams var með 24 stig og tólf stoðsendingar en þetta var fyrsti sigurleikur Utah í síðustu fimm leikjum liðsins.

Chicago vann Sacramento, 109-88. Bretarnir Ben Gordon og Luol Deng skoruðu 20 stig hvor fyrir Chicago sem vann sinn fyrsta sigur í Sacramento í tólf ár.

Golden State vann New Orleans, 91-87. Corey Maggette skoraði nítján stig í leiknum, þar af tólf á síðustu sex mínútum leiksins.