Fá hugbúnað í flotastjórn

TrackWell og Landflutningar - Samskip hafa undirritað samning um innleiðingu á TrackWell Flota fyrir bílaflota Landflutninga og undirverktaka.

Ingi Þór Hermannsson, forstöðumaður Landflutninga - Samskipa, segir markmiðið að auka öryggi ásamt því að auka þjónustu með minni tilkostnaði.

Að sama skapi er í tilkynningu TrackWell haft eftir Þórði Ingasyni sölustjóra að bæði sé um að ræða stóran bílaflota og „blandaða og áhugaverða" notkun.

Meðal þess sem kerfið gerir er að miðla veðurupplýsingum þannig að flotastjóri geti fylgst með þróun veðurs á öllum akstursleiðum og varað við, verði veður válynd.- óká