Neville: Liverpool átti bara ekki skilið að fara áfram

Varnarmaðurinn Gary Neville hjá Manchester United hefur stráð salti í sárin hjá leikmönnum og stuðningsmönnum Liverpool eftir að félaginu mistókst að komast í 16-liða úrslit Meistaradeildarinnar.

Neville segir að viðtali við Sky Sports fréttastofuna að Manchester United sé komið í 16-liða úrslitin þar sem félagið hafi átt skilið að komast þangað og það sama gildi um af hverju Liverpool sé fallið úr leik.

„Sem lið þá færðu það sem þú átt skilið, ekki satt? Við erum komnir áfram vegna þess að við höfum spilað vel en það er verra fyrir Liverpool. Liðið er einfaldlega ekki búið að spila nægilega vel í Meistaradeildinni og átti því ekki skilið að fara áfram," sagði Neville.