Svíi í úrslitin á opna franska

Svíinn Robin Soderling er kominn í úrslit á opna franska meistaramótinu á Roland Garros í tennis. Soderling vann Fernando Gonzales í æsispennandi og skemmtilegum maraþonleik.

Líklegt er að hann mæti Svisslendingnum Roger Federer í úrslitunum en hann mætir ungstirninu Juan Martin del Potro á eftir.

Soderling vann fyrsta settið 6-3 og það næsta 7-5 eftir mikla baráttu. Staðan 2-0 og Soderling vantaði aðeins eitt sett til að komast í úrslitin. En Gonzales neitaði að gefast upp og vann næstu tvö sett, 7-5 og 6-4.

Staðan var því 2-2 og úrslitasettið var æsispennandi. Gonzales komst í 3-0 í lotum talið og 4-1 en Svíinn Soderling neitaði að gefast upp og jafnaði í 4-4. Eftir magnaða lotu komst Soderling yfir í 5-4 og gaf upp fyrir sigrinum.

Það tókst honum og hann vann settið því 6-4 og leikinn 3-2.