Hizbolla leiðtogi sagði Ísraelum í dag að þeir hefðu í fórum sínum líkamshluta ísraelskra hermanna sem féllu í stríðinu árið 2006.
Ísraelar réðust þá yfir landamærin eftir að hisbolla skæruliðar felldu nokkra hermenn þeirra og rændu tveimur til viðbótar.
Ísraelar leggja ofuráherslu á að ná hermönnum sínum aftur hvort sem þeir eru lífs eða liðnir. Mörg dæmi eru um að þeir hafi skipt á skæruliðum úr fangelsum sínum fyrir líkamsleifar hermanna.
Sayad Hassan Nasrallah messaði yfir fylgismönnum sínum í Beirut í dag og sendi þá Ísraelum skilaboð;
"Ó síonistar her ykkar lýgur að ykkur. Her ykkar hefur skilið eftir líkamshluta hermanna sinna í bæjum okkar og á ökrunum.
Hermenn okkar drápu þessa síonista og söfnuðu líkamshlutum þeirra. Ég er ekki að tala um venjulega líkamshluta. Ég segi Ísraelum, við erum með höfuð hermanna ykkar. Við erum með handleggi. Við erum með fætur."
