Meistaradeildardrátturinn í beinni útsendingu á Vísi klukkan 16:00

Eiríkur Stefán Ásgeirsson skrifar 28. ágúst 2008 10:06

Manchester United hefur titil að verja í Meistaradeildinni. Nordic Photos / AFP

Vísir mun sýna í beinni útsendingu hér á vefnum er dregið verður í riðlakeppni Meistaradeildar Evrópu fyrir komandi keppnistímabil í bestu deild í heimi.

Smelltu hér til að sjá útsendinguna en hún hefst klukkan 16.00.

Stöð 2 Sport verður með beinar útsendingum frá leikjum í hverri umferð Meistaradeildarinnar eins og undanfarin ár. Þó verða fleiri leikir í beinni útsendingu nú en nokkru sinni hefur áður verið.

Keppni í riðlakeppni Meistaradeildarinnar hefst þann 16. september næstkomandi.

Sextán lið þurftu ekki að taka þátt í forkeppni Meistaradeildarinnar en önnur sextán unnu sér í gær eða í fyrradag þátttökurétt í riðlakeppninni með því að sigra andstæðing sinn í þriðju og síðustu umferð lokakeppninnar.

Liðunum 32 hefur nú verið skipt í fjóra styrkleikaflokka sem eru byggðir á stigakerfi Knattspyrnusambands Evrópu. Stigin eru reiknuð út frá árangri liðanna á undanförnum árum.

Manchester United fær reyndar efsta sæti á styrkleikalistanum sem núverandi meistari.

1. styrkleikaflokkur:

Manchester United (Englandi)

Chelsea (Englandi)

Liverpool (Englandi)

Barcelona (Spáni)

Arsenal (Englandi)

Lyon (Frakklandi)

Inter (Ítalíu)

Real Madrid (Spáni)

2. styrkleikaflokkur:

Bayern München (Þýskalandi)

PSV Eindhoven (Hollandi)

Villarreal (Spáni)

Roma (Ítalíu)

Porto (Portúgal)

Werder Bremen (Þýskalandi)

Sporting Lissabon (Portúgal)

Juventus (Ítalíu)

3. styrkleikaflokkur:

Marseille (Frakklandi)

Zenit St. Pétursborg (Rússlandi)

Steaua Búkarest (Rúmeníu)

Panathinaikos (Grikklandi)

Bordeaux (Frakklandi)

Celtic (Skotlandi)

Basel (Sviss)

Fenerbahce (Tyrklandi)

4. styrkleikaflokkur:

Shakhtar Donetsk (Úkraínu)

Fiorentina (Ítalíu)

Atletico Madrid (Spáni)

Dynamo Kiev (Úkraínu)

CFR Cluj (Rúmeníu)

Álaborg (Danmörku)

Anorthosis Famagusta (Kýpur)

BATE Borisov (Hvíta-Rússlandi)

Eitt lið frá Norðurlöndunum verður með íriðlakeppninni að þessu sinni en það er Álaborg sem var meistari í Danmörku á síðasta keppnistímabili. Þetta er í annað skiptið sem Álaborg kemst í riðlakeppnina en í fyrsta skiptið var það haustið 1995.

Þá eiga Kýpverjar og Hvít-Rússar fulltrúa í riðlakeppni Meistaradeildarinnar í fyrsta skiptið í sögunni. BATE Borisov komst óvænt áfram í riðlakeppnina eftir sigur á Levski Sofia í þriðju umferð forkeppninnar.

BATE mætti Valsmönnum í fyrst umferðinni og svo belgíska stórliðinu Anderlecht í annarri umferðinni.

Anorthosis Famagusta frá Kýpur gerði sér lítið fyrir og sló út stórveldið Olympiakos frá Grikklandi í þriðju umferðinni.

Alls hefur 31 land átt fulltrúa í riðlakeppni Meistaradeildarinnar síðan hún var stofnuð árið 1992.

Meistaradeild Evrópu