Jafntefli í Pétursborg

Zenit frá Pétursborg og BATE Borisov frá Hvíta-Rússlandi gerðu 1-1 jafntefli í fyrsta leik dagsins í Meistaradeild Evrópu.

Varamaðurinn Pavel Nekhaychik kom BATE yfir snemma í seinni hálfleik en Fatih Tekke jafnaði þegar tíu mínútur voru til leiksloka.

Liðin leika í H-riðli en með þessum úrslitum var Zenit að ná í sitt fyrsta stig í riðlinum. BATE er hinsvegar með tvö stig en liðin eru því í tveimur neðstu sætum riðilsins.

Real Madrid er með sex stig og Juventus fjögur í efstu sætum en þessi lið mætast núna klukkan 18:45.