TM og Knattspyrnufélag Siglufjarðar undirrita samstarfssamning

Tryggingamiðstöðin og og Knattspyrnufélag Siglufjarðar hafa undirritað þriggja ára samstarfssamning, og samkvæmt honum mun Tryggingamiðstöðin verða aðalstyrktaraðili Pæjumóts Siglufjarðar. Mótið mun nú heita Pæjumót TM Siglufirði.

Pæjumótið er eitt stærsta knattspyrnumót yngri flokka, en mótið er fyrir stúlkur í 4. 5. 6. og 7. flokki, eða aldrinum 7-13 ára. Stuðningur TM við mótið og KS er liður í skipulögðu átaki félagsins til að efla íslenska kvennaknattspyrnu. TM og Margrét Lára Viðarsdóttir, einn fremsti knattspyrnumaður þjóðarinnar, undirrituðu samstarfssamning um eflingu kvennaknattspyrnu á Íslandi fyrr í sumar.