Yfir tvöföldum hámarkshraða

Lögreglan á Suðurnesjum stöðvaði ungan ökumann í gærkvöldi eftir að hann hafði mælst á rösklega 170 kílómetra hraða þar sem leyfilegur hámarkshraði er aðeins 70 kílómetrar. Hann var því langt yfir tvöföldum hámarkshraða og leikur grunur á að hann hann hafi verið á enn meiri ferð skömmu áður en hann var mældur.

Hann var auk þess með fullan bíl af fólki. Hann var sviptur ökuréttindum og er bíllinn enn í vörslu lögreglu meðan ákveðið verður hvort reynt verður að gera bílinn upptækan til ríkissjóðs.