Erlent

Putin sýnir klærnar

Óli Tynes skrifar
Vladimir Putin, forseti Rússlands.
Vladimir Putin, forseti Rússlands. MYND/AP
Rússneski ríkissaksóknarinn hefur sent helsta stjórnarandstöðuflokki landsins opinbera viðvörun vegna þess sem kallað er öfga-aðgerðir. Þessar öfga-aðgerðir felast í því að Yablonko flokkurinn hjálpaði þekktum pólitískum fréttaskýranda að gefa út bók þar sem Vladimir Putin forseti er harðlega gagnrýndur.

Putin hefur stuðning meirihluta þingmanna og þingið samþykkti á síðasta ári nýja löggjöf gegn því sem kremlverjar kalla öfgar.

Lögin gera kleift að banna mönnum að gegna opinberum stöðum eða bjóða sig fram í kosningum ef þeir hafa gerst sekir um öfgar. Stjórnvöldum var látið eftir að skilgreina hvað öfgar væru í hverju máli fyrir sig.

Erlent

Mest lesið


Fleiri fréttir

Sjá meira


×

Mest lesið