Man Utd og Lille sektuð

Manchester United og Lille voru í dag sektuð fyrir uppákomurnar sem urðu á leik liðanna í Meistaradeild Evrópu í síðasta mánuði. Stuðningsmenn beggja liða höguðu sér illa og þá var öryggiskröfum ekki framfylgt.

Knattspyrnusamband Evrópu sektaði franska liðið um 42.000 pund vegna óláta stuðningsmanna þess eftir að United skoraði sigurmarkið í leiknum - og vegna lélegs öryggiseftirlits þar sem tveir af stuðningsmönnum enska liðsins krömdust upp við girðingu og slösuðust. Enska liðið var sektað um 3.600 pund vegna óláta stuðningsmanna.