Cisse lætur vita af sér

Djibril Cisse, franski sóknarmaðurinn sem er í láni hjá Marseille frá Liverpool, hefur jafnað sig eftir fótbrot og er strax byrjaður að minna á sig. Í gærkvöldi skoraði hann sigurmark Marseille í 2-1 sigri á St. Etienne í frönsku úrvalsdeildinni. Þetta var fyrsta mark Cisse á tímabilinu.

Cisse hefur verið sex mánuði að jafna sig eftir slæmt fótbrot sem hann hlaut í leik með franska landsliðinu í upphafi síðasta sumars. Cisse hefur verið einstaklega óheppinn með meiðsli á síðustu árum sem hafa valdið því að hann náði sér aldrei á strik með Liverpool.