United yfir í hálfleik

Nú er kominn hálfleikur í viðureignunum kvöldsins í Meistaradeild Evrópu. Leikur Manchester United og FC Köbenhavn er sýndur beint á Sýn og þar hafa heimamenn í Manchester 1-0 forystu með marki frá Paul Scholes. Heimamenn hafa verið miklu betri í hálfleiknum en markvörður danska liðsins hefur farið mikinn.

Real Madrid hefur yfir 2-0 á útivelli gegn Steua með mörkum frá Sergio Ramos og Raul, Lyon hefur yfir 2-0 úti gegn Dynamo Kyiv með mörkum frá Juninho og Kallström, jafnt er hjá Celtic og Benfica 0-0, Porto hefur yfir 2-0 gegn Hamburg heima með mörkum frá López og González og þá er markalaust í leikjum Lille - AEK og Anderlecht - AC Milan.