Fabregas samþykkir nýjan átta ára samning

Arsene Wenger, stjóri Arsenal, hefur gefið það upp að spænski landsliðsmaðurinn Cesc Fabregas sé í þann mund að undirrita nýjan átta ára samning við félagið. Fabregas hefur verið hjá Arsenal síðan hann var 16 ára og er talinn einn efnilegasti miðjumaður heimsins í dag. Hann hefur verið eftirsóttur af liðum eins og Real Madrid um nokkurt skeið.

"Samningar gerast ekki mikið lengri en þetta og þetta þýðir að hann verður hjá okkur þangað til hann verður 27 ára gamall. Það er ekki amalegt að vera 19 ára gamall og vera strax orðinn lykilmaður í liði sínu, en þessi samningur er til marks um þá hollustu sem hann sýnir félaginu sem hann kom til sem unglingur," sagði Arsene Wenger.