Lífleg Ljósanótt

Um fjörtíu þúsund manns voru á Ljósanótt í Reykjanesbæ í gærkvöldi og voru hátíðarhöldin í gær þau fjölsóttustu til þessa en Ljósanótt var haldin nú í sjöunda sinn.

Erill var hjá lögreglunni bæði vegna fólksfjölda og mikillar umferðar sem honum fylgdi. Sýningin norðanbál vakti lukku þar sem stærsta strengjabrúða í heimi var notuð ásamt varðskipinu Ægi. Síðan hófst glæsileg flugeldasýning á ellefta tímanum í gærkvöldi og vakti hún mikla lukku viðstaddra.