Gott að fara heim með þrjú stig

Hjálmar Jónsson, leikmaður íslenska landsliðsins, var mjög ánægður með sigurinn á Norður-Írum í dag. Hjálmar kom inná sem varamaður í leiknum í dag og stóð sig ágætlega.

"Síðari hálfleikurinn var kannski ekki mjög glæsilegur og fór dálítið í að verja það sem við höfðum, en þetta eru engu að síðust mjög góð úrslit fyrir okkur og virkilega gaman að fara heim með þrjú stig úr þessum leik. Það skiptir mjög milklu máli upp á framhaldið að byggja á þessu. Við vorum að spila mjög vel í fyrri hálfleik og í síðari hálfleiknum náðum við að verjast þeim vel, svo maður getur ekki verið annað en hæstánægður með þetta," sagði Hjálmar í samtali við Eirík Stefán Ásgeirsson, blaðamann á Fréttablaðinu.