Baptista styrkir okkur mikið

Arsene Wenger er mjög ánægður með að vera búinn að landa brasilíska landsliðsmanninum Julio Baptista frá Real Madrid og segir hann styrkja hóp Arsenal til muna.

Baptista gekk í raðir Arsenal í skiptum fyrir spænska landsliðsmanninn Jose Antonio Reyes í gær og Wenger hrósaði Baptista í hástert á heimasíðu félagsins í dag.

"Baptista er ungur og fjölhæfur leikmaður sem getur bæði spilað á miðjunni og í framlínunni. Hann hefur þegar sýnt það hjá Sevilla og Real Madrid að hann er leikmaður sem á sannarlega framtíðina fyrir sér," sagði Wenger og óskaði Reyes góðs gengis hjá Real Madrid í leiðinni.