Fundnir hraktir í morgun

Tveir menn sem björgunarsveitir leituðu í gærkvöldi og í nótt fundust kaldir og hraktir, en heilir á húfi, um klukkan half fimm í morgun. Nokkkur viðbúnaður var við leitina en sex björgunarsveitir tóku þátt auk þess sem leitarhundar voru á leið á svæðið sem og þyrla Landhelgisgæslunnar þegar mennirnir fundust. Mennirnir, sem eru danskir, höfðu verið á göngu frá því klukkan þrjú í gærdag. Þeir hringdu í Neyðarlínuna klukkan hálf tíu í gærkvöld og kváðust villtir og í sjálfheldu í klettum. Þeir voru í GSM símasambandi meðan á leit stóð en þoka sem var á svæðinu gerði þeim erfitt fyrir að lýsa staðháttum.