Um fimmtán þúsund manns á Sigur Rós

Lögregla telur að um fimmtán þúsund manns hafi verið á hljómleikum Sigur Rósar og Aminu á Klambratúni, eða Miklatúni í gærkvöldi. Þrátt fyrir fjöldann þurfti lögregla ekki að hafa afskipti af einum einasta gesti vegna ölvunar eða óláta, sem þykir tíðindum sæta. Auk þess skapaðist ekkert umferðaröngþveiti fyrir tónleikana, eins og búist hafði verið við og eftir að tónleikunum lauk upp úr miðnætti þurfti hvergi að grípa til umferðarstjórnunar. Athygli verkur þessi mikli mannfjöldi þar sem tónleikunum var sjónvarpað beint á Ríkissjónvarpinu. Að sögn unnenda tónlistar Sigurrósar voru þetta góðir tónleikar.