Milljónatjón af völdum veggjakrots

Skemmdir af völdum veggjakrots nema tugum milljóna króna á ári. Borgarstjóri segir að ekki verði lengur við þetta unað og ætla hann að grípa til aðgerða.

Vilhjálmur Þ. Vilhjálmsson hefur verið í miklum hreingerningum um borgina að undaförnu og segir hann að nú verði veggjakrot ekki liðið lengur. Hann segir íbúa um alla borg þurfa að greiða milljónir í hreinsun á eigum sínum og tekur sem dæmi að kostnaður Orkuveitunnar einnar nemi um 25 milljónum króna á ári.

Hann segist hafa átt í viðræðum við lögreglustjóra höfuðborgarsvæðisins um hvernig best verði tekið á þessu máli en helst segist hann þó vilja fá að hitta þá sem stunda þessa iðju og gera við þá samkomulag. Eitt sé þó víst að veggjakrot verði ekki liðið.