Arsenal lagði Ajax

Það var mikið um dýrðir í London í dag þegar Arsenal kvaddi goðsögnina Dennis Bergkamp í opnunarleik félagsins á nýja Emirates-leikvangnum. Gamlar hetjur sem leikið hafa með Arsenal og Ajax í gegn um tíðina leiddu þar saman hesta sína fyrir framan fullt hús áhorfenda, sem kvöddu Bergkamp og þökkuðu honum fyrir rúmlega áratugar þjónustu sína við félagið.

Arsenal vann leikinn 2-1 og skoraði Kanu sigurmark liðsins undir lokin.

Leikmenn á borð við Ian Wright, Emmanuel Petit, Patrick Vieira, Marc Overmars, Johan Cruyff og Marco van Basten komu við sögu í leiknum sem sýndur var beint á Sýn.