Nýr ritstjóri á Nýju Lífi

Heiðdís Lilja Magnúsdóttir hefur verið ráðin sem ritstjóri á tímaritinu Nýju Lífi. Heiðdís Lilja er píanókennari að mennt en hefur starfað hjá Nýju Lífi síðastliðin fimm ár.

Hún segir að markmið sitt sé að gera gott blað enn betra og að tímarítið muni fylgjast með tískunni, innihalda áhugaverðar greinar, fjalla um kraftmiklar íslenskar konur sem og margt fleira. Heiðdís segir vilja byggja upp sterkara samband við lesendur blaðsins og auka gagnvirkni þess.