Bjargað af seglbáti

Karlmanni og 12 ára dreng var bjargað úr sjávarháska á tíunda tímanum í gærkvöldi eftir að litlum seglbáti, sem þeir voru á, hvolfdi við Geldinganes í mikilli vindhviðu. Þetta gerðist skammt undan bækistöð kajak-klúbbsins og hélt maður þaðan strax út á tveggja manna kajak, tók drenginn um borð og réri með hann til lands. Björgunarbátar frá lögreglu og björgunarsveitum komu skömmu síðar á vettvang og björguðu manninum i land. Voru þeir báðir orðnir kaldir og hraktir, enda sjórinn kaldur og mikil rigning. Þeir voru fluttir á sjúkrahús til aðhlynningar.