Umskornir karlmenn smitast síður af kynsjúkdómum

Í nýlegri rannsókn sem alþjóðlegir vísindamenn gerðu voru bornar saman upplýsingar um tíðni HIV smits meðal umskorinna karlmanna í Afríku og þeirra sem ekki eru umskornir og leiddu niðurstöðurnar í ljós að tíðni var lægri hjá þeim karlmönnum sem eru umskornir.

Þórólfur Guðnason sóttvarnarlæknir segir að ástæða þessa sé líklega sú að veiran eigi auðveldara með að berast í menn í gegnum forhúð þeirra. Þ

Hann segir þó varasamt að yfirfæra niðurstöðurnar yfir á önnur samfélög þar sem til að mynda hreinlætisvenjur séu ólíkar eftir samfélagsmynstrum.

Rannsóknir hafa enn fremur leitt í ljós að tíðni annarra kynsjúkdóma er lægri hjá umskornum karlmönnum en þeim sem ekki eru umskornir. Þórólfur telur þó ekki ástæðu til að íslenskir karlmenn láti umskera sig vegna þessa heldur gæti almenns hreinslætis og noti verjur við kynmök.