Fabregas fer ekki fet

Arsene Wenger segir að spænski miðjumaðurinn Cesc Fabregas sé alls ekki á leið til Real Madrid eins og fjölmiðlar á Spáni og ný stjórn Real hefur haldið fram undanfarna daga.

"Ég vil taka það fram að Cesc Fabregas er ekki til sölu og við munum ekki hlusta á kauptilboð í hann. Hann er lykilmaður í framtíð félagsins og spilar stórt hlutverk í liðinu sem við erum að byggja upp," sagði Wenger. Fabregas sjálfur segist vel geta hugsað sér að spila í heimalandinu í framtíðinni, en tekur það fram að hann sé ánægður í herbúðum Arsenal.

"Ég er 100% leikmaður Arsenal og er ánægður hjá liðinu. Í framtíðinni væri ég þó alveg til í að spila á Spáni, en í augnablikinu er ég sáttur við mín mál á Englandi," sagði þessi ungi og efnilegi leikmaður.