Ég er fáfróður

Marco Materazzi hefur þvertekið fyrir að hafa kallað Zinedine Zidane hryðjuverkamann í úrslitaleiknum á HM í gær eins og komið hefur fram í fréttum. Materazzi segist vera svo vitlaus að hann viti ekki einu sinni hvað orðið hryðjuverkamaður þýði.

"Þetta er alls ekki satt og ég kallaði Zidane alls ekki hryðjuverkamann. Ég er algjör vitleysingur - ég veit ekki einu sinni hvað orðið hryðjuverkamaður þýðir, en öll heimsbyggðin sá hvað gerðist í leiknum í sjónvarpinu," sagði Materazzi við fjölmiðla í heimalandi sínu síðdegis.