Loka varð hverfum í Frankfurt

Lögreglan í Frankfurt í Þýskalandi þurfti að loka nokkrum hverfum í borginni vegna óláta eftir leik Englendinga og Paragvæ í gær. Englendingar unnu leikinn 1-0.

Engan sakaði í látunum, en glerflöskum rigndi yfir gangstéttir og lögregla þurfti ítrekað að hafa afskipti af enskum bullum sem virtust ekki bara í gleðivímu. Þá voru tveir Þjóðverjar handteknir fyrir að mana enska stuðningsmenn til slagsmála.

Lögreglan í Nurnberg er í mikilli viðbragðsstöðu vegna leiks Írana og Mexíkóa síðar í dag. Nokkrir stjórnmálamenn og hópar gyðinga hafa boðað til fjöldamótmæla í borginni vegna ummæla ráðamanna í Íran um helförina.