Eftirmaður Eriksson verður fundinn fljótlega

Alan Curbishley telur að leitinni að næsta þjálfara enska landsliðsins í knattspyrnu farin nú brátt að ljúka og spáir að tíðinda verði að vænta á næstu vikum. Curbishley er einmitt einn þeirra sem orðaðir hafa verið við landsliðsþjálfarastöðuna.

"Viðræðurnar eru enn á frumstigi, en ég á von á því að fjör fari að færast í leikinn á allra næstu vikum, því knattspyrnusambandið vill fyrir alla muni ganga frá þessu fyrir HM í sumar. Annars eru knattspyrustjórar sem orðaðir eru við stöðuna orðnir leiðir á þessum eilífu vangaveltum í fjölmiðlum, því þeir fá oft á tíðum ekki vinnufrið með félagsliðum sínum vegna spurninga um enska landsliðið," sagði Curbishley.