Öruggur sigur Liverpool á Newcastle

Liverpool vann öruggan útisigur á Newcastle, 3-1 í ensku úrvalsdeildinni í knattspyrnu í dag. Peter Crouch, Steven Gerrard og Djibril Cisse skoruðu mörk Liverpool sem er í 3. sætil deildarinnar með 61 stig, tveimur stigum á eftir Man Utd sem á tvo leiki til góða.

Shola Ameobi minnkaði muninn í 2-1 fyrir Newcastle skömmu fyrir hálfleik en Newcastle misstu svo Jean Alain Boumsong af velli með rauða spjaldið á 50. mínútu þegar hann braut á Crouch inni í vítateig. Það var svo Cisse sem skoraði úr vítaspyrnunni og gulltryggði sigurinn. Newcastle situr í 12. sæti með 39 stig.