Keane á eftir að verða frábær stjóri

Sir Alex Ferguson, stjóri Manchester United, segist viss um að Roy Keane eigi eftir að verða frábær knattspyrnustjóri þegar hann lýkur ferlinum sem leikmaður og segir hann minna sig á sjálfan sig á sama tíma á ferlinum.

"Ég er ekki í nokkrum vafa um að Roy fer út í þjálfun þegar hann hættir að spila, enda hefur hann allt það sem til þarf til að verða góður þjálfari. Hann er leiðtogi, drífur menn með sér og svo er hann líka með gríðarlegan viljastyrk og ákveðni. Hann minnir mig um margt á sjálfan mig. Hann var besti leikmaðurinn sem ég hafði á sínum tíma og mér sýnist eðlilegast að hann fari út í þjálfun næst." sagði Ferguson.