Indiana - Cleveland í beinni

Leikur Indiana Pacers og Cleveland Cavaliers verður sýndur í beinni útsendingu á Sýn í kvöld klukkan hálf eitt, en þar á undan verður leikur LA Lakers og Toronto frá því fyrir viku. Kobe Bryant skoraði 81 stig í leiknum og skráði nafn sitt á spjöld sögunnar, en sá leikur verður sýndur klukkan 23:00.

Leikurinn í kvöld verður sérstakur fyrir þær sakir að þetta verður fyrsti leikur Serbans Peja Stojakovic fyrir Indiana, en honum var skipt til liðsins fyrir villimanninn Ron Artest.