Á hlut í níu Eddu-tilnefningum 4. nóvember 2006 18:30 Ragnar Bragason Verk tengd honum eru tilnefnd til níu Eddu-verðlauna. MYND/Heiða Tilnefningar til Eddu-verðlaunanna voru tilkynntar á fimmtudaginn og fullyrða má að verk tengd leikstjóranum Ragnari Bragasyni hafi staðið upp úr. Sjálfur er Ragnar tilnefndur til fjögurra verðlauna, eina tilnefningu hlaut hann sem leikstjóri ársins fyrir sjónvarpsþáttinn Stelpurnar og þrjár fyrir kvikmyndina Börn sem keppir við bæði Mýrina og Blóðbönd um titilinn besta kvikmynd ársins. Ragnar viðurkenndi að þessi fjöldi tilnefninga hefði komið honum skemmtilega óvart. „Mikið gleðiefni fyrir alla þá sem tóku þátt í gerð Barna," sagði leikstjórinn sem lýsti yfir sérstakri ánægju sinni með hversu margir leikarar Barna hefðu verið tilnefndir en þau Gísli Örn Garðarsson, Nína Dögg Filippusdóttir, Ólafur Darri Ólafsson og Margrét Helga Jóhannesdóttir fengu öll sína tilnefninguna hvert. Kvikmyndin er nú sýnd á American Film Market þar sem þúsundir dreifingar-og sýningaraðila koma saman til að berjast um bestu bitana og vonaðist Ragnar eftir góðum árangri þar vestra. Ragnar og leikhópurinn Vesturport fóru óvenjulega leið þegar gerð Barna hófst því það getur reynst erfitt fyrir kvikmyndagerðarmann að fá styrk fyrir mynd sem nánast ekkert handrit er að. „Við byrjuðum því bara og treystum á yfirdrætti en þetta er nú aðferð sem ég myndi ekki mæla með," segir Ragnar en þegar tökur voru hafnar kom Kvikmyndamiðstöð Íslands inn í heildardæmið. Kostnaðurinn við gerð Barna var ekki hár, rúmar þrjátíu milljónir sem þykja ekki miklir peningar, jafnvel á íslenskan mælikvarða, en myndin hefur fengið frábæra dóma þótt aðsóknin hafi ekki verið neitt fagnaðarefni, alls fjórtán þúsund manns hafa séð hana í bíó. Ragnar viðurkenndi líka að vera eilítið vonsvikinn með aðsóknina en vonaðist hins vegar til að Eddu-tilnefningarnar yrðu til þess að fleiri sæju sér fært að skella sér á hana. Menning Mest lesið Kvaddi dramað og flutti fyrir ástina Lífið „Það spurði þig enginn“ Lífið Best skipulagða geymsla landsins í glæsihúsi við Laugardalinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Verslunarhjón selja glæsivillu í 108 Lífið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Kátir tískukarlar hjá Kölska Tíska og hönnun Maður þurfti ekki að vera skyggn Gagnrýni Fleiri fréttir Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Tilnefningar til Eddu-verðlaunanna voru tilkynntar á fimmtudaginn og fullyrða má að verk tengd leikstjóranum Ragnari Bragasyni hafi staðið upp úr. Sjálfur er Ragnar tilnefndur til fjögurra verðlauna, eina tilnefningu hlaut hann sem leikstjóri ársins fyrir sjónvarpsþáttinn Stelpurnar og þrjár fyrir kvikmyndina Börn sem keppir við bæði Mýrina og Blóðbönd um titilinn besta kvikmynd ársins. Ragnar viðurkenndi að þessi fjöldi tilnefninga hefði komið honum skemmtilega óvart. „Mikið gleðiefni fyrir alla þá sem tóku þátt í gerð Barna," sagði leikstjórinn sem lýsti yfir sérstakri ánægju sinni með hversu margir leikarar Barna hefðu verið tilnefndir en þau Gísli Örn Garðarsson, Nína Dögg Filippusdóttir, Ólafur Darri Ólafsson og Margrét Helga Jóhannesdóttir fengu öll sína tilnefninguna hvert. Kvikmyndin er nú sýnd á American Film Market þar sem þúsundir dreifingar-og sýningaraðila koma saman til að berjast um bestu bitana og vonaðist Ragnar eftir góðum árangri þar vestra. Ragnar og leikhópurinn Vesturport fóru óvenjulega leið þegar gerð Barna hófst því það getur reynst erfitt fyrir kvikmyndagerðarmann að fá styrk fyrir mynd sem nánast ekkert handrit er að. „Við byrjuðum því bara og treystum á yfirdrætti en þetta er nú aðferð sem ég myndi ekki mæla með," segir Ragnar en þegar tökur voru hafnar kom Kvikmyndamiðstöð Íslands inn í heildardæmið. Kostnaðurinn við gerð Barna var ekki hár, rúmar þrjátíu milljónir sem þykja ekki miklir peningar, jafnvel á íslenskan mælikvarða, en myndin hefur fengið frábæra dóma þótt aðsóknin hafi ekki verið neitt fagnaðarefni, alls fjórtán þúsund manns hafa séð hana í bíó. Ragnar viðurkenndi líka að vera eilítið vonsvikinn með aðsóknina en vonaðist hins vegar til að Eddu-tilnefningarnar yrðu til þess að fleiri sæju sér fært að skella sér á hana.
Menning Mest lesið Kvaddi dramað og flutti fyrir ástina Lífið „Það spurði þig enginn“ Lífið Best skipulagða geymsla landsins í glæsihúsi við Laugardalinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Verslunarhjón selja glæsivillu í 108 Lífið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Kátir tískukarlar hjá Kölska Tíska og hönnun Maður þurfti ekki að vera skyggn Gagnrýni Fleiri fréttir Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira